محكمه منتدي كريزي كيمستاوي

موافقه جدا

سومة هربــــــــــــــــــــــــــــــــــــــــت من الاجابة ولا دخلت السجن

هي شكلها بتحضر للاستئناف وخالي بالك احتمال تدخل المحكمه

وانا هدخل ليه انا معملتش حاجة انا بدافع عنها وبشوف الامور ماشية ازاى

اولا يا جماعه السلام عليكم انا ما هربتش والله دى كانت ظروف بس وعلى العموم اسفه جدا اذا كنت عطلتكم بالنسبه بقى للاجابه فانا اخترت المنتدى لمجرد التصفح بس بجد لقيته حلو اوى جنان وربنا يقدرنا جميعا ونقدم حاجات مفيده بالنسبه بقى للموقف اللى اتمتى انه ما يحصلش تانى فانا الحمد لله مفيش مواقف ندمت عليها بالنسبه للايه فهى تقريبا والله اعلم " بسم الله" الرحمن الرحيم واذ قال ربك للملائكه اسجدو لادم فسجدو الا ابليس ابى واستكبر صدق الله العظيم ....... اتمنى ان اجاباتى تعجبكو وتكون صح

احم احم يا جماعه انا جاوبت ايه الاخبار بلاش تلعبو باعصاب الواحد يالا بقى عاوزين الاجابه الصح انتو بتلعبو بيا يعنى عشان اتاخرت شويه خلاص بقى المسامح كريم

اجابتك تحفه يا سومه قصدي

لقد جاوب المتهم علي الاجابه واوضح برائته ولذلك قررنا الافراج عنه

وبخصوص الايه فهي كالاتي

متى يبكى الشيطان _ _ _

بكاء الشيطان : كلما سجد الإنسان سجود التلاوه يغيظ بذلك الشيطان الذي يتذكر قصته مع آدم عندما أمر بالسجود فأبى ويتندم أشد التندم باكياً لكنه ندم خالٍ من العزيمه على ترك المعصيه ..
فعن أبي هريره رضي الله عنه قال : قال رسول الله صلى الله عليه وسلم :
" إذا قرأ ابن آدم السجده فسجد اعتزل الشيطان يبكي ,, يقول يا ويله ( وفي روايه يا ويلي ، أمر ابن آدم بالسجود فسجد فله الجنه ,, وأمرت بالسجود فأبيت فلي النار " رواه مسلم .
هذا الشيطان الذي أعطي من القدرات ما يستطيع بها إغواء الكثير من بني آدم ,, وهو الذي بسببه يدخل معظم الخلق في النار ،, تراه ضعيفاً صغيراً حقيراً باكياً أشد البكاء عندما يرى مسلماً يسجد سجدة التلاوه ..
فحري بالمسلم أن يزيد في سجوده ليزيد في غيظ الشيطان وبكائه



وعلي العضوه سومه ان تتولي كرسي القاضي وتحكم علي متهم اخر فهتختاري مين؟

انا اخترت العضو ميدو عشان اثبتله انى مش دخلت السجن والحمد لله براءه
فليستعد الباش مهندس ميدو
فلنبدء الجلسه
محكمه
1-ايه اكتر حلم حلمته وما اتحققش وزعلت عليه اوى ولا استعوضت ربنا
2-ما هى طموحاتك فى المستقبل يعنى نفسك تبقى ايه
3-ايه اهم صفه بتحبها فى اصدقاءك
4-مم تتكون الذره
لازم لازم تجاوب على اخر سؤال واذا لم تتم الاجابه سوف تحكم عليك المحكمه حكم صارم

ياعيني يا سومه دخله جامد يلا يا ميدو جاوب ومتهربش

هجاوب ربنا يسهل سيبونى استعد

يلا طلع الي عندك

الظاهر ان سومة على رايك ادخلة جامد فيا بس هجاوب بردو
1_ انا كان نفسى ادخل كلية علوم بس فرقت على 4 %لان كان نفسى اتخصص كيمياء بس مزعلتش كنت فى اداب وحولت زراعة يعنى عادى وربنا حققلى حلمى ودخلت كيمياء حيوى
2_ضاربة فى دماغى اليومين دول حكاية المشاريع هعملها ان شاء الله بس لما اخلص هو ممكن اعملها بس الدراسة نقول ايه وبردو اشتغل فى التحاليل
3_الذرة يستى ليست اصغر جزء من المادة وتتكون من بروتونات ونيترونات والكترونات
يارب يبقى الاجابة صح وعايز ادخل ارشميدس المحكمة واسألو انتو الاسئالة

يا جماعه هو ممكن ان اي عضو غير القاضي يسال المتهم وكمان الاضي ليه الحق يسال اكتر من مره وبرده الاعضاء لغايه ما نزهق المتهم علشان يحرم يعمل كده تاني والاسئله ده عاوزه اجمد من كده وفين اسئله الاحراج

انتو داخليين جامد فيا ليه انا عملت ايه

1_طبعا مش هقولك لان البزنس اسرار
2_لما بكون مضايق متهيألى بقعد لوحدى بس ساعتها مش فاكر بعمل ايه لانى ساعات بنسى بسرعة ولما بفرح ببقى فرحان _
3_هى بتبقى محرجة ومحصلتش معايا بس اكيد هقعد ادور على الفلوس فى جيبى لحد ما الراجل يقولى خلاص واول ما انزل همشى من قدام الاتوبيس بسبب الاحراج دا
4_محستش الاحساس دا قبل كدا
5_بحب الرياضة لانى كنت بلعب رياضة بس مبطل دلوقتى والوصف دا مش بوصف نفسى
يارب تكون الاجابات كويسة واطلع براءة

بسم الله الرحمن الرحيم
اسمحولى اشترك معاكم فى المحكمة

ميدو جاوب على الاسءلة دى

لو قدامك فرصة شغل امامك بدخل 2500ج بس وانت وواحد صاحبك مقدمين فيها
وانتوا سواء فى الانترفيو انتوا ال2 جاوبتوا على كل الاسئلة
وجى المدير بيسالك عن كورسات اللغة انتوا قولت لا مخدش كورسات
وصاحبك قال انا خد كورس فى الجامعة الامريكية مع العلم (بما انك صاحبه عارف انه مخدش )
فالمدير اتاسف لك انت وفضل صاحبك عشان الكورس الانجليزى

قولى هتعمل ايه فى الموقف دا


وشكرااا

هاااااااااااااى
الاسئلة:
ماهى طموجك فى الحياة؟
من اقرب الاشخاص اليك؟
لية اخترت اسم ميدو؟
اختار خمس اعضاء وادى لكل واحد صفة؟
بس كدا كفاية النهاردة

برافو عليك يا ميدو اجاباتك حلوه اوى ويا رب تحقق كل اللى انت عاوزه وما تقلقش اما تخلص دراسه ادامك الحياه لسه تعمل اللى انت عاوزه بس فيه سؤال ما جاوبتش عليه وده مهم عندى اوى ايه اهم صفه بتحبها فى اصدقاءك ؟؟؟؟؟؟؟؟؟؟؟؟؟؟؟؟؟؟؟؟ وعلى فكره انا فى علوم وهيا فعلا كليه لذيذه اوى وادينا يا سيدى هنشتغل مع بعض اهه فى التحاليل وربنا يوفقك نبقى نكون مجموعه ونفتح معمل

ميدو الحمد لله طلع براءه بس لسه فيه كفاله هيدفعها اللى هيا اجابه السؤال اللى هرب منه وكرسى القاضى معاك دلوقتى يا ميدو بس بعد اذنك كنت عاوزه اسال ارشميدس سؤالين

ارشميدس كرسى الاعتراف معاك هديك المايك بس بعد اما اخلص اسئله
فلنبدء الجلسه
محكمه
1-انت مين يعنى عرفنا بنفسك؟؟؟؟؟؟؟
2-يعنى ايه اسم ارشميدس بالنسبالك؟؟؟؟؟؟؟؟؟
3-ايه اخبار حياتك العاطفيه؟؟؟؟؟؟؟؟؟؟؟
4-بتتمنى ايه اهم صفه تكون فى شريك حياتك؟؟؟؟؟؟؟؟؟؟؟
اتفضل المايك معاك
سكووووووووووووووووت تام ارشميدس هيتكلم

بجد اموضوع بقى جامد جدا وبرحب بوليد وسومة وانا قريت كذا حاجة دلوقتى هو انا بس المتهم ولا ايه ولا خدت براءة بس ارشميدس هى المتهمة دخلوها السجن