اوعوامن شوشو فى رمضان...

السلام عليكم ورحمة الله
ازيكوا يا جماعة عاملين ايه؟ كل سنة وانتوا طيبين بمناسبة حلول شهر رمضان الكريم
النهاردة كنت قاعدة بتفرج على التليفزيون لاقيت اعلانات كتيييييييرة اوى ايشى عن البرنامج كذا اللى هيتعرض فى رمضان وعن ست سبع مشلشلات جاية(شورى اصل سنتى اتكشرت)
وفى اخر كل اعلان يقولوا كلمة واحدة وهى (رمضان مجمعنا)او(رمضان كريم) كأن يعنى رمضان شهر بيجى علشان يتعرض فيه مسلسلات وبرامج بس ويخلوا الناس بعد الفطار بدل ما تنزل تصلى لا تستنى البرنامج الكوميدى ولا المسلسل الخطيييررر اللى بيجى فى وقت الصلاة بالضبط
طبعا انا مش باكلم عن كل الناس بس اعتقد ان فى كتييييييييرررر بعملوا كدة.وانا السنة اللى فاتت اول سنة الحق نفسى وربنا يهدينى وما تفرجش على حاجة خالص والحمد الله الحاجات اللى كنت نفسى اشوفها فى رمضان اتعادت تانى بعد رمضان
ياجماعة متخلوش الشيطان يدخلوكوا فى شهر كريم زى ده
اتشجعوا زىوخدوا موقف وقرروا انكوا متتفرجوش على حاجة تلهيكوا عن الدعاء وذكر الله والصلاة وصدقونى بعد ماتعملوا كدة هاتحسوا انكوا مرتاحييييين قوىىىىىىىىىى
يارب الفكرة ماتكونش متكررة ويارب متكونوش زهقتوا من كلامى
(يأيها الذين امنو كتب عليكم الصيام كما كتب على الذين من قبلكم لعلكم تتقون)صدق الله العظيم.
ملحوظة : اللى مش عارف مين شوشو هو الشيطان.